Ciidamada Dowlada Federaalka ayaa si rasmi ah ula wareegey gacan ku heynta Deegaanada koonfureed ee Magaalada Dhuusamareeb sida Sinadhaqo iyo labi-dulle oo gabaad u ahaa mudooyinkan Argagaxisada Alshabaab kuwaa oo ka soo abaabuli jiray falalka arbushaada ah ee ay ku wax yeeleeyaan dadka shacabka ah ee adeegsada jidka iskuxira Guriceel iyo Dhuusamareeb.
Ciidamada Dowlada ayaa si rasmi ah ula wareegey fariisimihii Kooxdan oo ay kujiraan saanad Ciidan oo ay kaga carareen goobahaasi, Waxaana aagaan ka dhacey dagaalo culus oo qasaaro adag lagu gaarsiiyay Argagaxisada Alshabaab.
Taliyaha Guutada 15-aad, Qaybta 21-aad ee Ciidanka Xoogga Gen: Mascuud Maxamed Warsame oo ka mid ah Saraakiisha hoggaaminaysa howlgalkan ayaa tilmaamey in Ciidamadu ay wali kusii raad joogaan firxadka Argagaxisada laga ceyriyay Deegaanadan oo aan looga hari doonin goobaha ay wali kusii dhuumaaleysanayaan.
Xigasho-Idaacada Codka Ciidamada
