Doorashada Baarlamaanka Itoobiya Oo Maanta bilaabatay & Soomaali tartameysa

0

Whatsapp Image 2021 06 21 At 10.15.37 Am 696x385

Waxaa subaxnimadii hore ee saakay Albaabada loo furay Goobaha codbixinta si looga soo doorto xubnaha baarlamaanka federaalka 10 gobol oo ka mid ah Itoobiya.

Doorashada ayaa la qorsheeyay in ay ka qabsoonto dhamaan gobalada dalkaasi marka laga reebo gobolada Tigreega iyo Soomaalida oo xaalada amni iyo mid farsamada awgood looga reebay doorashadan oo ay qaadaceen dhamaan xisbiyada mucaaradka ee ka jira Itoobiya.

In kabadan 36 milyan oo cod bixiye ayaa la qorsheeyay inay codkooda dhiibtaan si 547 xubnood oo ka mid noqonaya Baarlamanka dalkaasi Itoobiya ay ugu soo xushaan 8,000 oo musharax oo ka kala socda 46 xisbi.

Xisbiyada mucaaradka ee ka diiwaan gashay Gobolka Oromia oo ah kan ugu dadka badan dalka itoobiya, ayaa qaadacay doorashada, iyaga oo ku eedeyay laamaha amaanka ee ka hawl galo gobolka Oromia in dadkii codkooda dhiiban lahaa ay cabsi galiyeen.

Dhibaatooyinka hananka diiwaangelinta cod-bixiyeyaasha iyo qalalaasaha qowmiyadeed ee ka jira dalkaasi ayaa sababay dib u dhac ku yimid codbixinta shan degmo oo kale, kuwaa oo la sheegay in wareegga labaad ee doorashada laga qaban doono bisha Sebtember ee sanadkan.

Guddiga doorashooyinka Itoobiya ayaa xaqiijiyay in labo jeer dib loo dhigay doorashooyinka sababo la xiriira aafada xanuunka Corona, amniga iyo dhibaatooyinka dhanka logistikada ah.

Doorashada waxaa kor kala socon doona 5 ergo oo ajnabi ah iyo kumanaan qof oo u ololeeya bulshada rayidka ah, inkasta oo Midowga Yurub uu go’aansaday in uusan halkaas u dirin wax kormeerayaal ah.

Sidokale waxaa la sheegayaa in Guddiga Xuquuqda Aadanaha Itoobiya, oo ah hay’ad madax bannaan laakiin dowladda ay magacowday, laga horjoogsaday inay kormeerto doorashooyinka ka bilawday inta badan gobalada dalkaasi.